എന്താണ് ഹൈപ്പോകൈനീസിയ?
ഹൈപ്പോകൈനീസിയ എന്നാൽ മന്ദഗതിയിലുള്ള ചലനം എന്നാണ് അർത്ഥം. എക്കോകാർഡിയോഗ്രാഫിയിൽ, ഹൃദയപേശികളുടെ ഒരു ഭാഗത്തെ തകരാറിനെ വിവരിക്കാൻ ഈ പദം ഉപയോഗിക്കുന്നു, ആ ഭാഗം മറ്റ് പ്രദേശങ്ങളെ അപേക്ഷിച്ച് സങ്കോചിക്കുന്നത് കുറവാണ്. സാധാരണയായി ഇത് ഹൃദയപേശികളുടെ ആ ഭാഗത്തേക്കുള്ള രക്ത വിതരണം കുറയുത് മൂലമാണ്.
ഹൃദയാഘാതത്തിന് ശേഷമാണ് ഹൈപ്പോകൈനീസിയ സാധാരണയായി കാണപ്പെടുന്നത്. ഹൃദയത്തിൽ ഹൈപ്പോകൈനീസിയയുടെ സ്ഥാനം ഏത് രക്തക്കുഴലിലെ ബ്ലോക്ക് മൂലമാണ് എന്നതിനെ ആശ്രയിച്ചിരിക്കും.
മരുന്നുകൾ വഴിയോ ആൻജിയോപ്ലാസ്റ്റി വഴിയോ ബ്ലോക്കുകൾ തുറക്കുമ്പോൾ, ഹൈപ്പോകൈനീസിയ കാലക്രമത്തിൽ മെച്ചപ്പെട്ടേക്കാം. അപ്പോൾ ആ പ്രദേശത്തിന്റെ സങ്കോചം സാധാരണ നിലയിലായേക്കാം.
ഹൈപ്പോകൈനീസിയ ഹൃദയ പേശിയുടെ ഒരു ഭാഗത്തോ മുഴുവനായോ ഉണ്ടാകാം. ഗ്ലോബൽ ഹൈപ്പോകൈനീസിയ എന്നാൽ ഹൃദയപേശികൾ മുഴുവനും ദുർബലമാണ് എന്നാണ്. ഡൈലേറ്റഡ് കാർഡിയോമയോപ്പതി പോലുള്ള ഹൃദയപേശികളുടെ രോഗങ്ങളിൽ ഇത് കാണാം. ഹൃദയാഘാതത്തിന് ശേഷം ഒരു ഭാഗത്തെ ഹൈപ്പോകൈനീസിയ സാധാരണമാണ്.