പെഗിലേറ്റഡ് ലിപ്പോസോമൽ ഡോക്സോറൂബിസിൻ: ഹൃദയത്തിനുള്ള പാർശ്വഫലം കുറവുള്ള കാൻസറിനുള്ള മരുന്ന്
അഡ്രിയാമൈസിൻ എന്നും അറിയപ്പെടുന്ന ഡോക്സോറൂബിസിൻ വിവിധ തരത്തിലുള്ള ക്യാൻസറുകൾക്കെതിരെ ഫലപ്രദമായ മരുന്നാണ്. എന്നാൽ ചില വ്യക്തികളിൽ ഒരു നിശ്ചിത ഡോസ് കവിഞ്ഞാൽ അത് ഹൃദയപേശികളെ ദുർബലപ്പെടുത്തും എന്നതാണ് അഡ്രിയാംസിയിന്റെ ഒരു പ്രധാന പ്രതികൂല ഫലം. ലിപ്പോസോം എന്നറിയപ്പെടുന്ന രണ്ട് പാളികൾക്കുള്ളിൽ മരുന്ന് ഘടിപ്പിച്ചിരിക്കുന്ന ഒരു പ്രത്യേക ഫോർമുലേഷൻ ഈ പാർശ്വഫലം കുറയ്ക്കുന്നതിന് ഉപയോഗപ്രദമാണ്. ഈ ലിപ്പോസോമുകൾ രൂപപ്പെടുത്താൻ PEG അല്ലെങ്കിൽ പോളിയെത്തിലീൻ ഗ്ലൈക്കോൾ പോളിമർ ഉപയോഗിക്കുന്നു. ലിപ്പോസോം പൊതിഞ്ഞ അഡ്രിയാമൈസിൻ സാധാരണ മരുന്നിനേക്കാൾ അഞ്ചിരട്ടി സമയം രക്തത്തിൽ നിലനിൽക്കുന്നു. വലിയ വലിപ്പം കാരണം, ഹൃദയത്തിന്റെ നോർമൽ രക്തക്കുഴലുകളിലേക്കുള്ള അതിന്റെ പ്രവേശനം കുറയുന്നു. അതേ സമയം ട്യൂമറിന്റെ നോർമൽ അല്ലാത്ത രക്തക്കുഴലുകളിൽ പ്രവേശിക്കുകയും ട്യൂമർ കോശങ്ങളെ നശിപ്പിക്കുകയും ചെയ്യും. അതിനാൽ പെഗിലേറ്റഡ് ലിപ്പോസോമൽ ഡോക്സോറൂബിസിൻ ട്യൂമറിനെതിരെ മികച്ച ഫലവും ഹൃദയത്തിൽ പാർശ്വഫലങ്ങൾ കുറയ്ക്കുകയും ചെയ്യും.