എന്താണ് ബിഎംവി, ഒരു കാർഡിയാക് ഓപ്പറേഷൻ?
ബലൂൺ മൈട്രൽ വാൽവോട്ടോമിയുടെ ഹ്രസ്വ രൂപമാണ് ബിഎംവി. ചരുങ്ങി പോയ മൈട്രൽ വാൽവിനെ വലുതാക്കാനുള്ള ഒരു രീതിയാണിത്. മൈട്രൽ വാൽവ് ചുരുങ്ങുന്നത് മൈട്രൽ സ്റ്റെനോസിസ് എന്നാണ് അറിയപ്പെടുന്നത്. ഹൃദയത്തിന്റെ ഇടത് മുകളിലും താഴെയുമുള്ള അറകൾക്കിടയിലുള്ള വാൽവാണ് മൈട്രൽ വാൽവ്. ഇതൊരു താക്കോൽദ്വാര പ്രക്രിയയാണ്, തുറന്ന ശസ്ത്രക്രിയയല്ല. ബലൂൺ കത്തീറ്റർ എന്നറിയപ്പെടുന്ന അഗ്രഭാഗത്ത് ബലൂൺ ഘടിപ്പിച്ചിരിക്കുന്ന ഒരു ചെറിയ ട്യൂബ്, ലോക്കൽ അനസ്തേഷ്യയിൽ തുടയിലെ തൊലിയിൽ ഉണ്ടാക്കുന്ന ഒരു ചെറിയ ദ്വാരം വഴി കടത്തുന്നു. തുടർച്ചയായ എക്സ്-റേ നിരീക്ഷണത്തിൽ ഇത് ഹൃദയത്തിലേക്ക് നയിക്കപ്പെടുകയും ചുരുങ്ങി പോയ മിട്രൽ വാൽവിന് കുറുകെ സ്ഥാപിക്കുകയും ചെയ്യുന്നു. സ്ഥാനം സ്ഥിരീകരിച്ചുകഴിഞ്ഞാൽ, മൈട്രൽ വാൽവിലെ തടസ്സം ഒഴിവാക്കാൻ ബലൂൺ സിറിഞ്ജ് കൊണ്ട് വീർപ്പിക്കുന്നു.