കാർഡിയാക് കത്തീറ്ററൈസേഷന്റെ റൂട്ടുകൾ ഏതൊക്കെയാണ്?
റൈറ്റ് ആൻഡ് ലെഫ്റ് ഹാർട്ട് കത്തീറ്ററൈസേഷനുള്ള ഏറ്റവും സാധാരണമായ മാർഗ്ഗം തുടയിലൂടെയുള്ള ഫെമറൽ റൂട്ടാണ്. പെർക്യുട്ടേനിയസ് പഞ്ചർ വഴി ഫെമറൽ ആർട്ടറിയിലും ഫെമറൽ വെയ്നിലും പ്രവേശിക്കാം. കാർഡിയോജനിക് ഷോക്ക് ഉള്ള ഒരു വ്യക്തിയിൽ പ്രൈമറി ആൻജിയോപ്ലാസ്റ്റി പോലുള്ള അടിയന്തിര സാഹചര്യങ്ങളിൽ ഫെമറൽ റൂട്ട് വേഗമേറിയതും പലപ്പോഴും അവലംബിക്കപ്പെടുന്നതുമാണ്.
കഴുത്തിലെ ജുഗുലാർ വെയ്ൻ, കൈമുട്ടിന് സമീപമുള്ള ബേസിലിക് വെയ്ൻ, ബ്രാക്കിയൽ ആർട്ടറി, കൈത്തണ്ടയ്ക്ക് സമീപമുള്ള റേഡിയൽ ആർട്ടറി എന്നിവയാണ് മറ്റ് റൂട്ടുകൾ. ലോക്കൽ കോംപ്ലികേഷനുകൾ കുറവായതിനാൽ കൊറോണറി ആൻജിയോഗ്രാഫിക്ക് ഫെമറൽ റൂട്ടിനേക്കാൾ റേഡിയൽ റൂട്ടീനാണ് മുൻഗണന. എന്നാൽ റേഡിയൽ റൂട്ടിൽ ധമനി സ്പാസത്തിനുള്ള സാധ്യതയുണ്ട്. മറ്റ് സൈറ്റുകൾ ആക്സസ് ചെയ്യാൻ കഴിയുന്നില്ലെങ്കിൽ ചിലപ്പോൾ ആക്സിലറി ആർട്ടറിയും സബ്ക്ലാവിയൻ വെയ്നും ഉപയോഗിക്കാം.
