ജെ പോൾ ആന്റിന

ജെ പോൾ ആന്റിന

2 മീറ്റർ, 70 സെന്റീമീറ്റർ പ്രവർത്തനങ്ങൾക്കായി ഹാം റേഡിയോ ഓപ്പറേറ്റർമാർക്കിടയിൽ പ്രചാരത്തിലുള്ള ഒരു വെർട്ടിക്കൽ ഓമ്നിഡയറക്ഷണൽ ആന്റിനയാണ് ജെ പോൾ ആന്റിന. ഇത് ഒരു എൻഡ് ഫെഡ് ആന്റിന ആയതിനാൽ, ആന്റിനയുടെ ഹാഫ് വേവ് സെഗ്‌മെന്റിന്റെ ഫീഡ് പോയിന്റിന് ഉയർന്ന ഇം‌പെഡൻസ് ഉണ്ടായിരിക്കും, അത് ഒരു ക്വാർട്ടർ വേവ് പാരലൽ ട്രാൻസ്മിഷൻ ലൈൻ സ്റ്റബ് ഉപയോഗിച്ച് ഫീഡ്‌ലൈനുമായി മാച്ച് ചെയ്യേണ്ടതുണ്ട്. ഫീഡർ കോക്‌സിന്റെ അറ്റാച്ച്‌മെന്റ് പോയിന്റ് നിർണ്ണയിക്കുന്നത് ഏറ്റവും താഴ്ന്ന എസ്‌ഡബ്ല്യുആറിനായുള്ള മോണിറ്ററിംഗിനൊപ്പം സ്റ്റബ് കണക്ഷൻ അങ്ങോട്ടും ഇങ്ങോട്ടും സ്ലൈഡുചെയ്യുന്നതിലൂടെയാണ്. ക്വാർട്ടർ വേവ് ഗ്രൗണ്ട് പ്ലെയിൻ ആന്റിനയുമായി താരതമ്യം ചെയ്യുമ്പോൾ J പോൾ ആന്റിനയ്ക്ക് ഏകദേശം 2dB ഗെയ്ൻ ഉണ്ട്. എതിർവശവുമായി താരതമ്യപ്പെടുത്തുമ്പോൾ ജെ സ്റ്റബിന്റെ വശത്ത് ഗെയ്ൻ അൽപ്പം കൂടുതലാണ്.

ജെ പോൾ ആന്റിനയുടെ സമാന്തര കണ്ടക്ടറുകൾക്കിടയിലുള്ള അകലത്തിന്റെ രണ്ടോ മൂന്നോ ഇരട്ടി അകലത്തിൽ മറ്റ് ചാലക വസ്തുക്കൾ ഉണ്ടാകരുത്. മികച്ച പെർഫോമൻസിനായി ആന്റിന കണ്ടക്ടറുകൾക്കും മൗണ്ടിംഗ് പൈപ്പിനും ഇടയിൽ ഒരു നോൺ-കണ്ടക്ടിംഗ് ഫ്രീ സ്പേസ് വേണം. രണ്ട് കണ്ടക്ടറുകൾ തമ്മിലുള്ള ദൂരം തരംഗദൈർഘ്യത്തിന്റെ 2% ൽ കൂടുതലാകരുത്. ജെ പോൾ ആന്റിനയുടെ ഒരു പ്രധാന ഗുണം അതിന് റേഡിയലുകളോ ഗ്രൗണ്ട് പ്ലെയിനോ ആവശ്യമില്ല എന്നതാണ്. ഇത് കാറ്റിൽ മറിയാനുള്ള സാദ്ധ്യത കുറയ്ക്കുന്നു. റേഡിയോ ഫ്രീക്വൻസി സിഗ്നൽ ഫീഡ്‌ലൈനിന്റെ ഷിൽഡ് വഴി താഴേക്ക് സഞ്ചരിക്കുന്നത് തടയാൻ ഫീഡ്‌പോയിന്റിലെ കോക്‌സിന്റെ ഒരു കോയിൽ ഒരു ചോക്ക് ആയി വർത്തിക്കും.