കൊറോണറി ധമനികളുടെ കാൽസ്യം സ്കോറിംഗ്

കൊറോണറി ധമനികളുടെ കാൽസ്യം സ്കോറിംഗ്

കൊറോണറി ധമനികളുടെ കാൽസ്യം സ്കോറിംഗ് ഇലക്ട്രോൺ ബീം കമ്പ്യൂട്ട്ഡ് ടോമോഗ്രഫി ഉപയോഗിച്ച് ചെയ്യാം, എന്നാൽ രക്തക്കുഴലുകളുടെ വിലയിരുത്തൽ മൾട്ടി ഡിറ്റക്ടർ കമ്പ്യൂട്ട്ഡ് ടോമോഗ്രഫി ഉപയോഗിച്ച് മാത്രമേ ചെയ്യാൻ കഴിയൂ. കാൽസ്യം സ്കോറിംഗ് സ്കെയിൽ അഗറ്റ്സ്റ്റൺ സ്കോർ എന്നറിയപ്പെടുന്നു.
0 സ്കോർ അർത്ഥമാക്കുന്നത് തിരിച്ചറിയാനാകുന്ന കാൽസ്യം ഒന്നുമില്ല എന്നാണ്. ഇലക്ട്രോൺ ബീം സിടിയുടെ റേഡിയേഷൻ എക്സ്പോഷർ MDCT യേക്കാൾ വളരെ കുറവാണ്. എന്നാൽ MDCT യ്ക്ക് കോൺട്രാസ്റ്റ് കുത്തിവയ്പ്പുകൾ ഉപയോഗിച്ച് കൊറോണറിയുടെ ധമനികളുടെ ത്രിമാന രൂപം പുനർനിർമ്മിക്കാൻ കഴിയും.

കാൽസ്യം സ്കോർ 100-ൽ കൂടുതലാണെങ്കിൽ, കൊറോണറി ധമനികളിൽ ബ്ലോക്കുകൾ ഉണ്ടാകാൻ ഉള്ള സാധ്യത കൂടുതലാണ്. ഡൈലേറ്റഡ് കാർഡിയോമയോപ്പതി എന്ന ഹൃദയപേശി രോഗം കൊറോണറി ധമനികളുടെ ബ്ലോക്കുകൾ കൊണ്ടാണോ എന്ന തിരിച്ചറിയാൻ കാൽസ്യം സ്കോർ ഉപയോഗിക്കാം. കാൽസ്യം സ്കോർ നെഗറ്റീവ് ആണെങ്കിൽ കൊറോണറി ധമനികളിൽ ബ്ലോക്കുകൾ ഇല്ല എന്ന് വിലയിരുത്താം.