ഐസിഡി ഉണ്ടായിരുന്നിട്ടും ആവർത്തിച്ചുള്ള ആറിത്മിയയും ഷോക്കുകളും

ഐസിഡി ഉണ്ടായിരുന്നിട്ടും ആവർത്തിച്ചുള്ള ആറിത്മിയയും ഷോക്കുകളും

ഡിഫിബ്രിലേറ്റർ ആറിത്മിയയെ തടയുന്നില്ല, അത് ചികിത്സിക്കുക മാത്രമാണ് ചെയ്യുന്നത്. ആറിത്മിയയുടെ ഇടക്കിടെയുള്ള ആവർത്തനങ്ങളും ഒപ്പം ഷോക്കുകളും ഉണ്ടെങ്കിൽ, ആറിത്മിയ തടയാൻ ഉചിതമായ മരുന്നുകൾ പരിഗണിക്കാം. ഐസിഡി പ്രോഗ്രാം ചെയ്ത് അതിന്റെ ചികിത്സാ നിർണ്ണയത്തിൽ പിഴവുണ്ടെങ്കിൽ പരിഹരിക്കാം. വെൻട്രിക്കുലാർ ടാക്കിക്കാർഡിയ പോലുള്ള ചില ആറിത്മിയകൾ ഷോക്ക് കൊടുക്കുന്നതിന് മുമ്പ് ഓവർഡ്രൈവ് പേസിംഗ് ഉപയോഗിച്ച് ചികിത്സിക്കാം.

ടി തരംഗങ്ങളുടെയോ മറ്റ് സിഗ്നലുകളുടെയോ സെൻസിംഗ് വഴി തെറ്റായ ആറിഥ്മിയ നിർണ്ണയം ഉണ്ടെങ്കിൽ അത് പരിഹരിക്കാം. ചില ആറിഥ്മിയകൾ റേഡിയോ ഫ്രീക്വൻസി കത്തീറ്റർ അബ്ലേഷൻ വഴി സുഖപ്പെടുത്താം.
ചിലപ്പോൾ യഥാർത്ഥത്തിൽ ഒരു ഷോക്ക് ലഭിക്കാതെ തന്നെ ലഭിച്ച പോലെ തോന്നാം. ഇത് “ഫാന്റം ഷോക്ക്” എന്നാണ് അറിയപ്പെടുന്നത്. ഉപകരണത്തിന്റെ പ്രോഗ്രാമിങ്ങിലൂടെ ഇത് പരിശോധിക്കാവുന്നതാണ്. ഉപകരണം എപ്പിസോഡുകളുടെ ഇലക്ട്രോഗ്രാമുകൾ സംഭരിക്കുന്നതിനാൽ അത് കണ്ടെത്തിയ ആറിഥ്മിയ ശരിയായിരുന്നോ എന്ന് നിർണ്ണയിക്കാനാകും.